يمكنك ان تحسن صحتك النفسية بعدد من الطرق منها ممارسة الرياضة
في عالم أصبحنا فيه نجري دوما لنعمل وننجح ونعيش وخلافه أصبحنا لا نلتفت لأنفسنا لنجد أنفسنا محاصرين في آلامنا التي تواجهنا في أقل موقف، فجأة تجد نفسك تصرخ وتبكي ولا تعرف كيف يمكنك التعبير عما بداخلك.
هل شعرت من قبل بعدم القدرة على الاستمرارية؟
هل وجدت نفسك ترغب في النوم المستمر ولا ترغب في العمل أو الدراسة؟
ماذا عن الآلام الجسدية، هل شعرت من قبل بآلام جسدية دون سبب طبي؟
توقف دقيقة واسأل نفسك لماذا كل هذا الألم وتلك المعاناة هل تعرف السبب وراء ذلك؟ الحقيقة أن السبب وراء كل هذا أنك تعاني من ضغوط نفسية أثرت في حياتك وجعلتك تعاني كل هذه المعاناة، وان كنت ترغب في الخلاص من كل هذا استمر في قراءة السطور التالية وتعرف على أفضل ٧ عوامل تحسين الصحة النفسية.
جدول المحتويات
ما هي علامات تدهور الصحة النفسية؟
عوامل تحسين الصحة النفسية
أطعمة لتحسين الصحة النفسية
كيفية منع المواقف من التأثير على صحتك النفسية
كيف تتحكم في انفعالاتك بطرق صحية
كيف تحافظ على سلامك النفسي
الزتونة
في علامات كتير ممكن تنبهك أن محتاج تقف وتحسن حالتك النفسية، وصدقني يا صديقي الموضوع مش رفاهية ولا اختيار الموضوع تماما مثل الشعور بالألم في أي عضو من أعضاء جسمك واللي بيكون سبب في التوجه لأقرب مستشفى للعلاج.
انت بتحتاج من وقت للتاني لعملية ترميم تساعدك على تحسين الصحة النفسية بس ايه هي العلامات اللي بتبين انك محتاج فورا للترميم ده؟؟
التغيرات المزاجية: تلاقي نفسك عصبي وحزين وقلقان ومتوتر بشكل زيادة عن الموقف اللي انت فيه.
الانسحاب الاجتماعي: بتبعد عن المواقف الاجتماعية ومقابلة الأصدقاء والأهل أو بتكون موجود بس مش مبسوط.
التعب المستمر: بتحس إنك مجهد دايما من اقل مجهود ويمكن اوقات من قبل ما تبذل مجهود حتى.
التغيرات في العادات: وأهم العادات دي النوم والأكل أصبح بشكل زائد جدا أو قليل جدا.
صعوبات التركيز: أصبحت بتاخد قرارات بصعوبة ومش قادر تركز وبتنسى كتير.
دي كلها علامات لو كنت بتعاني منها يبقى انت محتاج تكمل قراءة عشان تعرف ازاي تعيش احسن وتحسن جودة حياتك وصحتك النفسية..
حالتك النفسية تماما زي النبات محتاج رعاية واهتمام، محتاج تشيل منه الأوراق الذابلة باستمرار وتوفرله الدوا والسماد المناسب عشان يقدر يواجه التغيرات الجوية اللي بتحيط بيه، انت كمان محتاج تشيل اوراقك الذابلة ودي أهم العوامل اللي هتساعدك:
تقدر تمارس الرياضة بكل الأشكال البسيطة مش لازم يكون في نادي أو جيم كبير ممكن تمشي أو تعمل رياضة بسيطة في البيت أو حتى تلعب مع اصدقائك.
تقدر تساعد نفسك بأطعمة صحية دون تكلفة زائدة في بدايل كتير لكل نوع طعام مكلف ويقدر يوفرلك النتيجة اللي انت محتاجها…
مش بالضرورة تنام 10 ساعات يوميا يكفي 6 ساعات فقط بالليل عشان تقدر توفر لجسمك احتياجه من النوم وبالتالي تتمكن من تحسين الصحة النفسية..
تواصل مع الناس اسمح للمقربين ليك يدعموك وادعمهم في متاعبهم، تلقي الحب من المقربين بيأثر بشكل كبير في حالتنا النفسية وتوفيرنا الدعم ليهم بيحسسنا بأهميتنا في الحياة.
الاسترخاء مش هو النوم ونومك بشكل جيد مش هيقلل حاجة جسمك للاسترخاء، كل اللي جسمك محتاجه بس 20 دقيقة يوميا تقدر تقسمهم على مرتين تمارس فيهم رياضة الاسترخاء أو التأمل واليوجا..
تعبيرك عن مشاعرك مش ضعف ابدا، أوقات كتير بنكون مش فاهمين مشاعرنا ولما بنبدأ نتكلم عنها بنفهم أكتر، التفكير والتعبير بصوت عالي هيخليك تشوف صورتك أوضح يا صديقي..
انكش جواك وافتكر هواياتك بترسم بتحب الموسيقى ولا القراية، بتحب تعمل بازل، ايه الحاجة اللي ممكن تفصل بيها عن الدنيا ولو لدقايق تكون فيهم مع نفسك ولنفسك بس…
حميتك الغذائية بتساهم بشكل كبير في تحسين صحتك النفسية، لأن في ارتباط قوي بين الاتنين ركز في كل انفعالاتك اللي فاتت هتلاقي الأكل كان جزء منها حسيت انك مكتئب فبدأت تاكل بنهم أو العكس، حسيت انك متوتر فبدأت تدور على السكريات ومواقف تانية كتير، بس المرة دي انت اللي هتستخدم الأكل لتحسين صحتك النفسية مش هيكون مجرد نتيجة لانفعالك..
في أنواع كتير للأكل تقدر تعتمد عليها وتنوع بينها باستمرار عشان تعزز قدراتك الدماغية وصحتك النفسية..
يمكنك أن تعتمد على عدد من الألوان المختلفة من الفاكهة والخضروات، وبالتالي تحصل على مختلف أنواع الفيتامينات التي تساعدك في تحسين الصحة النفسية.
بمكنك الاعتماد على الشوفان والأرز البني والبطاطا والمنتجات المصنوعة من القمح، وهناك بعض الاطعمة الأخرى مثل الشوكولاتة الداكنة والتي لها تأثير جيد جدا على الحالة المزاجية.
طيب دلوقتي كتير مننا بيعمل الخطوات دي وبيتحسن وبيحس بتطور فعلا، بس مجرد حدوث موقف صعب بيرجعه خطوات كتير لورا، وفجأة بنبطل كل الخطوات دي وحالتنا النفسية بتسوء جدا، طيب ازاي نقدر نمنع المواقف من التأثير علينا ده اللي هنتكلم عنه دلوقتي.
المواقف الصعبة لا تنتهي ولكن يمكننا أن نتعامل معها بشكل مختلف وبالتالي نمنعها من التأثير علينا بالسلب عن طريق عدد من الاستراتيجيات مثل:
حدد الأفكار السلبية التي تحيط بك في موقف ما واعد التفكير بها، حدث نفسك أن كانت لم تحدث وانها فقط توقع، أو أنها لو حدثت ما اقصى نتيجة سوف تحدث، ضع الأمور في مكانها الحقيقي ولا تسمح لعقلك بتضخيم الأمور.
لا تعتمد على تلك التقنية وقت القلق فقط ولكن اجعلها عادة، مارس الرياضة والتأمل وتحكم في قلقك حتى تتمكن من ذلك في الأوقات الصعبة.
التوقعات دوما مزعجة، لا تتوقع شيئا ولا بالسلب ولا بالإيجاب، التوقعات تسهم في زيادة القلق والتوتر، عيش الدقيقة التي نحياها كما هي ودون التفكير فيما يحدث بعد دقيقة واحدة.
مهارات حل المشكلات تساعدك في تحليل الأمور بشكل أكثر منطقية، وبالتالي تتمكن من النظر إلى الواقع بطريقة مختلفة وهو ما يقلل من احساسك بالتوتر والقلق ويساعدك في تخطي العديد من المواقف الصعبة.
في كل موقف حاول أن تقسم المشكلة لأجزاء صغيرة تمكنك من التفكير بعمق، وابدأ بحل ما يمكنك أن تقوم به أولا، وتأكد أن تلك الطريقة سوف تزيد من شعورك بالقدرة على السيطرة وبالتالي حل المشكلة بشكل عام.
ممارستك لهواياتك بشكل منتظم حتى لو لفترات قصيرة يوميا يساعدك في التحكم في التوتر.
الخوف والحزن وغيره من المشاعر السلبية مش هتقلل من رجولتك، الاعتراف بالمشاعر أول طريق تفهمها عبر عن مشاعرك بالظبط وبدون مبالغة أو تقليل ده هيساعدك في التحكم فيها والتعامل معاها.
لو مش قادر على التعامل مع المواقف الصعبة أو حاولت تطبق النصايح ومقدرتش، تقدر تطلب المساعدة من دايرتك المقربة أو من متخصص ممكن يساعدك.
خليك فاكر أن انفعالاتك الزايدة بتأثر بالسلب على معالجتك للمواقف، مخنا زي الآلة بالظبط بيفهم من اللي احنا بنقوله مش العكس، لو كنت بس قلقان مثلا وقلت أنا مرعوب مخك هيفهم أن الحاجة دي مصدر خطر وهيبدا يتعامل معاها بشكل مهدد ومرة على مرة حالتك النفسية هتتأثر بشكل كبير، وعشان تقدر تحط المواقف في مكانها الصحيح، لازم تكون قادر على التحكم في انفعالاتك وده اللي هنتكلم عنه هنا.
اعرف مشاعرك كويس وافهمها وعبر عنها صح عشان تقدر تتحكم فيها.
تنفس ببطء من أنفك وعد حتى 10 ثم ازفر الهواء من فمك بنفس البطء، وكرر التمرين يوميا 10 مرات صباحا ومساءا، وسوف تعتمد على تلك التقنية لاشعوريا وقت التوتر وده هيساعد في تحسين الصحة النفسية.
جسمك بيبدأ يكون ردود أفعال سريعة عند الشعور بالتهديد أو القلق، لا تندفع وراء تلك التغيرات، بدلا من ذلك حاول التركيز على استرخاء العضلات وتجنب التصرف اعتمادا على تغيرات جسمك
قبل أن تتخذ خطواتك توقف لدقائق وأعد التفكير والتقييم، هل ما تفكر في القيام به مناسب أم لا، التفكير مرة ثانية يساعدك في عدم الاندفاع وراء انفعالاتك.
بدل أفكارك السلبية بأفكار ايجابية خصوصا لو الأفكار دي عن نفسك، مثلا بدلا من أن تقول أنا دائما ما اخطئ في حل المشاكل، قل أنا قادر على حل المشكلة احتاج فقط الوقت للتفكير، وغيرها من الكلمات التي يمكنك أن تستخدمها لتعبر عن افكارك بإيجابية.
يمكنك تعلم رياضة أو مهارة جديدة تقدر بها على إطلاق مشاعرك دون مفاقمة المشاكل، من أكثر الرياضات التي ساعدت الكثيرين البوكسنج والمشي يمكنك تجربتها.
مهارة إدارة الوقت واحدة من المهارات التي تساعدك في تنظيم كل ما تحتاجه وبالتالي تشعر بالقدرة على إنجاز الكثير من الأمور وهو ما يساعدك على الشعور بالتحكم والراحة، وبالتالي تحسين الحالة النفسية.
كيف تحافظ على سلامك النفسي
عشان تقدر تحافظ على سلامك النفسي هنكون محتاج تطبق كل الخطوات اللي اتكلمنا فيها، وتعتمد النظام الصحي لحياتك بشكل دائم مش وقت الضغوط فقط، حافظ على نظامك الغذائي وفرغ طاقتك السلبية بشكل دائم، وبالتالي تقدر تحافظ على سلامك النفسي دايما.
كلنا بنتعرض في حياتنا لضغوط تخلينا ننفجر على اقل الاسباب، ومن وقت للتاني بنحتاج تحسين الصحة النفسية، استخدم نظام غذائي صحي، فرغ طاقتك بشكل سليم، اتحكم في مشاعرك، مارس الرياضة وارجع لهواياتك، المرة دي مش هقولك لو قدرت هتتحسن لا هقولك انت قادر تعمل ده، ثق في قدراتك وطور شكل حياتك..
لو عجبك المحتوى تابع باقي مقالاتنا واترك لنا تعليقك..
عبارات حالات واتس عن الام.. حالات واتس عن الام روعه 2025 من مجلة الحلوة موقع…
حالات واتس راقية كتابة.. أجمل حالات واتس راقية 2025 من مجلة الحلوة موقع عالم حواء…
حالات واتس اب حزن وضيق 2025.. تحميل حالات واتس حزينة مكتوبة 2025 من مجلة الحلوة…
قائمة جهاز العروسة pdf 2025.. جهاز العروسة كامل بالأعداد من مجلة الحلوة موقع عالم حواء…
قائمة جهاز العروسة مكتوبة 2025.. جهاز العروسة كامل بالصور من مجلة الحلوة موقع عالم حواء…
عند البحث عن بوتاجاز جديد، يواجه الكثيرون تحديًا في اختيار العلامة التجارية المناسبة التي تلبي…